Newid gofal canser heddiw

Diolch am gefnogi ein hymgyrch

Diolch yn fawr i’r cannoedd o ymgyrchwyr a weithredodd er mwyn newid gofal canser yng Nghymru. Roedd ein hymgyrch i ddylanwadu ar Aelodau Cynulliad yn y cyfnod cyn etholiadau mis Mai yn llwyddiant ysgubol. Mae bron i hanner yr holl Aelodau Cynulliad (ACau) a etholwyd wedi ymrwymo i gefnogi ein hymgyrch. Yn wir, roedd maniffesto etholiadol Plaid Lafur Cymru, a enillodd yr etholiad, yn cynnwys holl alwadau Macmillan.  

Rydym bellach yn gweithio’n galed er mwyn sicrhau bod yr holl ACau yn helpu i wella gofal canser i bobl sy’n byw yng Nghymru.  A byddwn yn cydweithio’n agos â Lesley Griffiths, y gweinidog newydd â chyfrifoldeb dros Iechyd a Gwasanaethau Cymdeithasol, er mwyn sicrhau bod yr addewidion etholiadol hynny’n cael eu cadw.

Gwyliwch ein ffilm etholiadol, gyda sylwebaeth gan Peter a Fiona Thomas [yn y llun] o sir Gaerfyrddin. 

Ein galwadau

Mae bron i 120,000 o bobl yn byw gyda chanser yng Nghymru heddiw. Erbyn 2030 bydd y nifer hwnnw wedi dyblu bron iawn. Rydym yn gofyn i’r Llywodraeth nesaf i ddatblygu strategaeth ganser cenedlaethol sy’n rhoi pobl yn ganolog. Strategaeth fydd yn sicrhau y bydd gan bawb sydd wedi cael diagnosis o ganser y canlynol:

• Cynllun gofal ac asesiadau cyson

• Gwybodaeth a chymorth ar faterion fel arian a lles emosiynol

• Cefnogaeth gan weithiwr allweddol sy’n deall eu hanghenion

Dysgwch fwy am ein galwadau etholiadol.|