Macmillan yng Ngogledd Cymru

Rydym yn gwella bywydau pobl sy'n cael eu heffeithio gan ganser yn lleol. Rydym yn darparu cymorth ymarferol, meddygol, emosiynol ac ariannol ac yn anelu at sicrhau gwell gofal canser. Mae canser yn effeithio ar bawb. Gall pawb helpu. Ni yw Macmillan yng Ngogledd Cymru.

How to reach us

Mae dros 4,000 o bobl yng Ngogledd Cymru yn cael diagnosis o ganser bob blwyddyn.

Gall Macmillan helpu drwy ddarparu:

• Arbenigwyr Iechyd
• Rhywun i siarad â hwy
• Cymorth Ariannol
• Gwybodaeth Glir

 

There are lots of ways you can help. Please contact the local fundraising office for more information.

Gall Macmillan helpu drwy ddarparu:

• Arbenigwyr Iechyd: Mae gweithwyr proffesiynol Macmillan yn arbenigwyr yn eu maes gofal canser. Maent yn helpu pobl i reoli eu symptomau a'u nod yw gwneud byw gyda chanser yn haws.

  Mae pobl yng Ngogledd Cymru eisoes yn cael budd o gymorth gan 52 o weithwyr proffesiynol Macmillan, gan gynnwys nyrsys Macmillan, hwylusydd meddygon teulu, cynghorwyr budd-daliadau a gweithwyr cymdeithasol arbenigol.

• Rhywun i siarad â hwy: Mae Macmillan yno i bobl â chanser, eu teuluoedd a'u ffrindiau, i siarad, gwrando a deall beth maent yn mynd drwyddo. Mae Macmillan hefyd yn helpu i gefnogi rhwydwaith o grwpiau hunangymorth a grwpiau cefnogi yng Ngogledd Cymru.
• Cymorth Ariannol: Gall canser ddod â chostau ychwanegol yn ei sgîl - costau parcio yn yr ysbyty, costau teithio, gwresogi ychwanegol a dillad gwahanol. Gall Macmillan helpu - yn 2007 gwnaethom roi £167,883 i 464 o bobl yng Ngogledd Cymru i helpu gyda'r costau hyn. Cred Macmillan na ddylai neb gael ei amddifadu yn ariannol o ganlyniad i'w salwch.
• Gwybodaeth Glir: Mae cael y wybodaeth gywir am ganser ar yr amser cywir yn hanfodol. Mae Llinell Gymorth Canser Macmillan yn rhoi gwybodaeth a chefnogaeth emosiynol am ddim i bobl sy'n byw gyda chanser a hefyd mae Llinell Ieuenctid Macmillan ar gael i bobl rhwng 12 a 21 oed

Diolch i'ch cefnogaeth hael gwnaethom godi £241,000 yn 2007.

Bydd hyn yn helpu i ariannu Canolfan Wybodaeth Macmillan a Nyrs Gwybodaeth Glinigol Arbenigol. Caiff y ganolfan ei lleoli yn yr Uned Seren Wib yn Wrecsam a bydd Gweithiwr Cymdeithasol Arbenigol yn gweithio gyda'r tîm gofal lliniarol, i gefnogi teuluoedd yn eu cartrefi a'u cymuned.