Macmillan yng Nghanolbarth Cymru

Rydym yn gwella bywydau pobl sy'n cael eu heffeithio gan ganser yn lleol. Rydym yn darparu cymorth ymarferol, meddygol, emosiynol ac ariannol ac yn anelu at sicrhau gwell gofal canser. Mae canser yn effeithio ar bawb. Gall pawb helpu. Ni yw Macmillan yng Nghanolbarth Cymru.

Darperir ein holl wasanaethau am ddim, a chânt eu hariannu yn gyfan gwbl drwy haelioni ein cefnogwyr. I sicrhau y gall Macmillan barhau i gefnogi a helpu pobl leol sy'n cael eu heffeithio gan ganser, mae angen eich help arnom!

How to reach us

How to donate to Macmillan

Pay in online.|

Send a cheque to the Freepost address:

Macmillan Cancer Support
Supporter Donations
FREEPOST LON15851
89 Albert Embankment
London, SE1 7UQ

Pay directly into the bank. Contact the Fundraising Support Team| for how to do this and more information on how to donate to Macmillan.

Please view our English version page| for volunteering opportunities.

 

Macmillan yng Nghanolbarth Cymru

Mae mwy a mwy o bobl yng Nghanolbarth Cymru yn cael diagnosis o ganser bob blwyddyn. Mae pob un angen triniaeth a chymorth y mae Macmillan yn eu darparu drwy:

• Arbenigwyr Iechyd: Caiff pobl ym Mhowys fudd o gymorth gan 11 o weithwyr proffesiynol Iechyd Macmillan sy'n cynnwys Nyrsys Cymunedol Macmillan, Hwyluswyr Meddygon Teulu a Gweithwyr Cymorth Gofal Macmillan.
• Rhywun i siarad â hwy: Mae Macmillan yno i bobl â chanser, eu teuluoedd a'u ffrindiau, i siarad, gwrando a deall beth maent yn mynd drwyddo. Mae Macmillan yn cefnogi rhwydwaith o nifer o grwpiau hunangymorth a grwpiau cefnogi ledled Canolbarth Cymru.
• Cymorth Ariannol: Gall canser ddod â chostau ychwanegol yn ei sgîl - costau parcio yn yr ysbyty, costau teithio, gwresogi ychwanegol a dillad gwahanol. Gwnaethom roi mwy na £34,000 ar ffurf grantiau Macmillan yng Nghanolbarth Cymru y llynedd, er mwyn helpu gyda rhai o'r costau hyn.
• Gwybodaeth Glir: Mae cael y wybodaeth gywir am ganser ar yr amser cywir yn hanfodol. Mae Llinell Gymorth Canser Macmillan yn rhoi gwybodaeth a chefnogaeth emosiynol am ddim i bobl sy'n byw gyda chanser. Mae gwybodaeth hefyd ar gael gan weithwyr proffesiynol iechyd Macmillan a Llinell Ieuenctid Macmillan i bobl rhwng 12 a 21 oed.

Darperir ein holl wasanaethau am ddim, a chânt eu hariannu yn gyfan gwbl drwy haelioni ein cefnogwyr. I sicrhau y gall Macmillan barhau i gefnogi a helpu pobl leol sy'n cael eu heffeithio gan ganser, mae angen eich help arnom!

Mae Pedair Ffordd y gallwch helpu

• Drwy roi arian: Mae pob rhodd, yn fawr neu'n fach, yn gwneud gwahaniaeth hanfodol i bobl sy'n byw gyda chanser. Gallwch anfon rhoddion i'r cyfeiriad uchod, rhoi arian ar-lein, trefnu taliad rheolaidd neu adael rhodd i ni yn eich ewyllys.
• Drwy drefnu casgliad neu ddigwyddiad: Gallech ddefnyddio eich hobi neu ddigwyddiad gyda'ch ffrindiau i godi arian ar gyfer Macmillan. Beth am osod her i chi eich hun a sicrhau nawdd? Beth am ein dewis ni fel eich elusen yn y gwaith neu yn yr ysgol? Gallwn eich helpu i drefnu eich hun drwy gynnig cyngor neu argraffu tocynnau, posteri neu ffurflenni noddi. Ffoniwch ni neu anfonwch e-bost atom gydag unrhyw ymholiadau a allai fod gennych.
• Drwy ymuno â digwyddiad Macmillan: P'un a fyddwch yn cymryd rhan yn ein digwyddiadau lleol, teithiau cerdded neu Fore Coffi Mwya'r Byd, mae digwyddiad Macmillan ar eich cyfer chi! A byddai'n bleser gennym eich cefnogi chi.
• Drwy rannu eich sgiliau: A allech roi o'ch amser i'n helpu? Byddem yn falch iawn o gael eich help gyda digwyddiadau a chasgliadau. Efallai yr hoffech chi ymuno â phwyllgor neu grwp codi arian lleol yn eich ardal neu sefydlu un gyda ffrindiau, teulu neu gydweithwyr. Ffoniwch ni neu anfonwch e-bost atom i drafod cyfleoedd.